Yuxarı
    Bağlamaq

    "Neftçi"nin Müşahidə Şurası bir sıra qərarlar qəbul edib

    Komandanın hazırlığı və həyata keçirdiyi transfer siyasəti barədə hesabat təqdim olunub

    Bakı. 26 yanvar. REPORT.AZ/ Bu gün "Neftçi”nin inzibati binasında klubun Müşahidə Şurasının növbəti iclası keçirilib.

    "Report"un məlumatına görə, iclasda aşağıdakı qərarlar qəbul olunub:

    1. İclasda "Neftçi”nin icraçı-direktoru Orxan Hüseynzadə və əsas komandanın baş məşqçisi Elxan Abdullayev komandanın Antalya şəhərindəki hazırlığı və bu dövrdə klubun həyata keçirdiyi transfer siyasəti barədə hesabat təqdim ediblər.

    2. "Neftçi”nin icraçı direktorunun maliyyə məsələləri üzrə müavini Elnur Eyvazov klubun hazırkı maliyyə durumu barədə hesabat verib və xərclərin optimallaşdırılması ilə bağlı hazırlanmış planı təqdim edib.

    3. İclasda "Neftçi”nin İsmət Qayıbov adına təlim-məşq bazasında aparılan tikinti işləri haqqında ətraflı məlumat verilib və klubun 80 illik yubileyini qeyd etdiyi cari ilin sonuna kimi tikinti işlərinin yekunlaşmasının vacibliyi vurğulanıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi