Yuxarı

​"Neftçi"nin futbolçusu: "Bu cür oyunla finalda "Qarabağ"a qalib gəlmək olmaz"

Finala qədər daha yaxşı hazırlaşacağıq

Bakı. 22 aprel. REPORT.AZ/ "Ağır oyun oldu. Fikrimcə, "İnter" qələbəyə layiq idi".

"Report"un məlumatına görə, bunu Azərbaycan Kubokunun yarımfinalında "İnter"lə qarşılaşmadan sonra jurnalistlərə açıqlamasında "Netçi"nin futbolçusu Erik Ramos deyib.

Cavab oyunu haqda fikirlərini bildirən paraqvaylı futbolçu ilk oyunun nəticəsinə görə, cavab görüşünə bir az rahat çıxdıqlarını söyləyib:

"Çalışdıq ki, sadəcə, hesabı qoruyaq. "İnter" də çox yaxşı futbol oynayır və qol vurmaq üçün şansları var idi. "Neftçi" ikinci hissədə bir az zəif çıxış etdi. Düşünürəm ki, fiziki durumumuzda problem vardı, çünki sıx qrafiklə oyun oynayırıq. Təbii ki, bu cür oyunla finalda "Qarabağ"a qalib gəlmək olmaz. "Qarabağ"a qol vurmaq lazımdır və ona qədər daha yaxşı hazırlaşacağıq. Premyer Liqada "Qarabağ"la oynayacağıq".

28 yaşlı yarımmüdafiəçi yalnız kubokun finalını deyil, Premyer Liqa oyunlarını düşündüklərini də qeyd edib:

"Neftçi" son oyunlarda ikinci hissədə məğlub olur. Bu barədə məşqçimizlə də söhbət etməliyik. Finala hələ çox vaxt var və fikrimizi qarşıdakı oyunlara yönəltməli və xal qazanmalıyıq".

Qeyd edək ki, "Neftçi" iki oyununun nəticəsinə əsasən, Azərbaycan Kubokunun finalına vəsiqə qazanıb - 2:0, 1:2.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi