Yuxarı
    Bağlamaq

    ​"Neftçi" - "Mladost" matçına satılan biletlərin sayı açıqlanıb

    Bilet satışı sabah da davam etdiriləcək

    Bakı. 1 iyul. REPORT.AZ/ Futbol üzrə Avropa Liqasının I təsnifat mərhələsində keçiriləcək "Neftçi" - "Mladost" (Podqoritsa, Çernoqoriya) matçına 3500 bilet satılıb. Bu barədə "Report"a Bakı klubunun mətbuat xidmətinin rəhbəri Gündüz Abbaszadə məlumat verib.

    Klub rəsmisi oyuna kifayət qədər marağın olduğunu bildirib. "Bakcell Arena"nın kassalarında aparılan bilet satışı sabah da davam etdiriləcək.

    Azarkeşlər, VİP, ailəvi (3A) və digər sektorlardan matçı izləyə biləcəklər. VİP sektorlara 1 biletin qiyməti 10 manat, 3B sektoruna 1 biletin qiyməti 2 manat, digər sektorlara 1 biletin qiyməti isə 1 manat təşkil edir.

    Qeyd edək ki, "Neftçi" - "Mladost" qarşılaşması iyulun 2-də keçiriləcək. "Bakcell Arenada" baş tutacaq görüşün start fiti saat 21:00-da səslənəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi