Bakı. 27 dekabr. REPORT.AZ/ Bakının "Neftçi" klubu heyətini daha bir futbolçu ilə gücləndirib.
"Report"un məlumatına görə, paytaxt təmsilçisi Gürcüstan millisinin üzvü Georgi Navalovski ilə anlaşıb.
30 yaşlı müdafiəçi "ağ-qaralar"ın heyətində 29 nömrəli futbolka ilə çıxış edəcək. Müqavilə müddəti açıqlanmır.
G.Navalovski Gürcüstanın "Dinamo” (Tbilisi), "Olimpi", "Dila", Rusiyanın "Anji”, "Volqa”, "Ximki”, "Metallurq-Kuzbass”, "SKA-Energiya”, "Tosno”, Yunanıstanın "Veriya” klublarında çıxış edib. 2010-cu ildə Bakı "İnter”inin şərəfini qorumuş 30 yaşlı futbolçu Gürcüstan milli komandasının heyətində 19, U-21 yığmasında 9 oyun keçirib.