Bakı. 15 dekabr. REPORT.AZ/ "Neftçi" klubu daha bir legionerilə müqaviləyə xitam verib.
"Report" klubun saytına istinadən xəbər verir ki, paytaxt təmsilçisi Vançe Şıkovla yollarını ayırıb.
Makedoniyalı müdafiəçi ilə müqaviləyə qarşılıqlı razılaşma əsasında xitam verilib. Mövsümün əvvəlində transfer edilmiş futbolçu "Neftçi”nin heyətində 9 oyunda meydana çıxıb.
Qeyd edək ki, klub buna qədər Denilson Pereyra, Dario Melnyak və Katalin Tira ilə də müqaviləyə xitam verib.