"Neftçi” klubu 3 futbolçusu ilə müqaviləni yeniləyib

Bakı. 11 iyun. REPORT.AZ/ "Neftçi” klubu 3 futbolçusu ilə müqaviləni yeniləyib. 

"Report" klubun rəsmi saytına istinadən xəbər verir ki, kapitanı Ruslan Abışov 2 il, Məhəmməd Mirzəbəyov isə daha 1 il "ağ-qara” formanı geyinəcək. Ukraynalı arxa xətt oyunçusu Kirilo Petrovla isə müqavilə 1+1 il müddətinə artırılıb.

Qeyd edək ki, ötən mövsüm Abışov 30 oyunda 5, Petrov 24 görüşdə 1 qol vurub. Mirzəbəyov isə 23 matçda meydana çıxıb.