Yuxarı

"Neftçi"nin futbolçusu Haiti yığmasının düşərgəsində ciddi zədə alıb

"Neftçi"də şok zədə

"Neftçi" klubunun futbolçusu Soni Mustivar Haiti yığmasının düşərgəsində zədələnib.

"Report"un Haiti Futbol Federasiyasının rəsmi saytına istinadən verdiyi məlumata görə, 29 yaşlı yarımmüdafiəçi məşqlərin birində komanda yoldaşı ilə toqquşma nəticəsində xəsarət alıb. MRT (maqnit-rezonans tomoqrafiyası) nəticəsində onun sağ dizinin iç bağlarının qırıldığı müəyyənləşib. 

Bu səbəbdən, Mustivarın yaşıl meydanlardan 1 aydan 3 ayadək uzaq qalacağı açıqlanıb. Lakin bu müddətdə cərrahi müdaxiləyə ehtiyac duyulmayacaq. Beləliklə, "Neftçi" Avropa Liqasının təsnifat mərhələlərində mərkəzi amerikalı legionerinin xidmətlərindən yararlana bilməyəcək.

Qeyd edək ki, Haiti millisi hazırda ABŞ, Kosta-Rika və Yamaykada təşkil olunacaq "Gold Cup"a hazırlaşır. Şimali və Mərkəzi Amerikanın 16 ölkəsinin qatıldığı yarış iyunun 15-dək iyulun 7-dək keçiriləcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi