Neftçi” daha bir transferini rəsmiləşdirib - VİDEO

Neftçi” haitili futbolçu Donald Gerye ilə 1+1 il müddətinə müqavilə bağlayıb.

"Report" klubun saytına istinadən xəbər verir ki, 30 yaşlı yarımmüdafiəçi komandanın heyətində 77 nömrəli formanı geyinəcək.

Sonuncu klubu "Qarabağ” (2017-2019) olan Gerye Haitinin "Violett” (2009-2011), "Amerika de Ke” (2011-2013), Polşanın "Visla” Krakov (2013-2016) və Türkiyənin "Alanyaspor” (2016-2017) komandalarında çıxış edib.

Azərbaycan çempionatının qalibi (2018, 2019) olmuş futbolçu Haiti milli komandasının heyətində 44 oyun keçirib, 11 qola imza atıb.