Bakı. 15 aprel. REPORT.AZ/ Futbol üzrə Azərbaycan Premyer Liqasında XXVI turun daha bir oyunu keçirilib.
"Report"un məlumatına görə, son 2 pillədə gedən "Neftçi" və AZAL komandaları "Bakcell Arena"da üz-üzə gəlib.
Görüş meydan sahiblərinin böyükhesablı qələbəsi ilə yekunlaşıb. İlk yarıda 3 qol vuran flaqman oyunda son nöqtəni ikinci hissənin əvvəllərində qoyub. Qonaq komandadan isə Nuqzar Kvirtiya penaltidən təsəlli qolunu vura bilməyib.
Bununla da "Neftçi" xallarını 29-a çatdıraraq, ən azı bir günlük 6-cı pilləyə yüksəlib. AZAL isə 10 xalla 8-ci pillədə qalıb.
Azərbaycan Premyer Liqası, XXVI tur
15 aprel (şənbə)
18:30 "Neftçi” – AZAL - 4:0
Qollar: Zdenek Folprest, 13. Daniel Seqovia, 17. İqnasio Herrera, 35. Rəhman Hacıyev, 55
Qolla nəticələnməyən penalti: Nuqzar Kvirtiya, 77 (AZAL)
Hakimlər: Orxan Məmmədov, Knyaz Əmiraslanov, Vüsal Qənbərov, Fariz Yusifov
AFFA nümayəndəsi: Ramiz Mustafayev
Hakim-inspektor: Əhmədağa Cabbarov
"Bakcell Arena”
İlk üç dövrə - 2:0, 0:1, 1:0
Günün ilk matçında "Sumqayıt"la "Zirə" heç-heçə edib - 1:1. Tura aprelin 16-da "Kəpəz" - "Qəbələ" və "İnter" - "Qarabağ" matçları ilə yekun vurulacaq.