Bakı. 24 dekabr. REPORT.AZ/ İtaliyanın "Napoli" futbol klubunun yarımmüdafiəçisi Marek Qamşik komandada vurduğu qolların sayına görə, argentinalı hücumçu Dieqo Maradonanın rekordunu qırıb.
“Report” TASS-a istinadən xəbər verir ki, 30 yaşlı slovakiyalı İtaliya A Seriyasının 18-ci turunda "Sampdoriya"ya qarşı keçirilən oyunda 116-cı qolunu vurub.
Maradonanın hesabında isə həmin klubda vurulan 115 qol var.
Qamşik "Napoli"də 2007-ci ildən bu yana 478 matç keçirib. O, Neapol klubunun heyətində iki dəfə İtaliya Kubokunun qalibi olub. Maradona isə komandada 259 matç keçirib.