​Moskva metrosunda "Spartak" və ÇSKA azarkeşləri arasında kütləvi dava olub

Bakı. 14 Avqust. REPORT.AZ/ Moskvanın "Barrikadnaya" metrostansiyasında "Spartak" və ÇSKA futbol klublarının azarkeşləri arasında kütləvi dava olub.

"Report" "Sport-ekspress"ə istinadən xəbər verir ki, qonşu vaqonda ÇSKA azarkeşlərini görən "qırmızı-ağlar"ın fanatları, növbəti dayanacaqda rəqiblərinə hücum ediblər.

Hadisə yerinə OMON-çular cəlb olunub. Qatarların hərəkəti təqribən beş dəqiqə dayandırılıb.

Rusiya çempionatının 5-ci turu çərçivəsində sözügedən komandalar arasında görüş Bakı vaxtı ilə 23:30-da başlayacaq.