Bakı. 18 may. REPORT.AZ/ "Monako" klubu tarixində 8-ci dəfə Fransa çempionu olub. "Report" xəbər verir ki, knyazlıq təmsilçi bu titula XXXI turdan təxirə salınmış oyunda "Sent-Etyen" üzərində 2:0 hesablı qələbə sayəsində yiyələnib.
Hesabı 20-ci dəqiqədə Kilyan Mbappe açıb. 90-cı dəqiqədə isə Valer Jermen ikinci qolu vurub.
Beləliklə, "Monako" xallarını 92-yə çatdırıb və sona bir tur qalmış ikinci pillədəki PSJ-ni 6 xal geridə qoyub. "Sent-Etyen" isə 50 xalla 8-ci yerdədir.