Bakı. 27 noyabr. REPORT.AZ/ “Formula 1” üzrə 7 qat dünya çempionu Mixael Şumaxerin oğlu Mik Şumaxer növbəti mövsümdən “Formula 2”də çıxış edəcək.
“Report” “Motorsport” portalına istinadən xəbər verir ki, 19 yaşlı pilot İtaliyanın “Prema” komandasının heyətində yer alıb.
Qeyd edək ki, Mik Şumaxer 2018-ci ildə “Formula 3”ün qalibi olub. Mixael Şumaxer 2013-cü ilin dekabrında Fransada xizək sürərkən yıxılıb və ağır kəllə-beyin travması alıb. Onun səhhəti ilə bağlı məlumatlar gizli saxlanılır.