Yuxarı
    Bağlamaq

    ​Mişel Platini FİFA prezidentliyinə namizədliyini geri götürüb

    O bütün diqqətini ittihamlarla mübarizəyə yönəltmək istədiyini bildirib

    Bakı. 8 yanvar. REPORT.AZ/ İstənilən futbol fəaliyyətindən 8 il müddətinə kənarlaşdırılmış sabiq UEFA rəhbəri Mişel Platini FİFA prezidenti seçkisinə namizədliyini geri götürüb.

    "Report"un məlumatına görə, fransalı funksioner "L Equipe" nəşrinə açıqlamasında bütün diqqətini ittihamlarla mübarizəyə yönəltmək istədiyini bildirib.

    "Blatter gedəndə məni 100 milli federasiya dəstəklədi, 50-sindən isə rəsmi məktub aldım. İndi mən başqa şey haqda düşünməliyəm. Tezliklə Beynəlxalq İdman Arbitraj Məhkəməsində və Domeniko Skalanın rəhbərliyi altında komissiyada araşdırma aparılacaq", - deyə o bildirib.

    Platini 2011-ci ildə qeyri-qanuni olaraq 2 milyon İsveçrə frankı almaqda şübhəli bilinir. Köçürməni FİFA-nın sabiq prezidenti Yozef Blatter edib. Blatter də futbolla bağlı bütün fəaliyyətlərdən kənarlaşdırılıb. Hər iki məmur qərardan İdman Arbitraj Məhkəməsinə şikayət edəcəklərini açıqlayıb.

    Qeyd edək ki, FİFA prezidenti seçkisi fevralın 26-da İsveçrənin Sürix şəhərində keçiriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi