Yuxarı

Azərbaycan millisinin futbolçusu intizam qaydalarını pozmayacağına söz verib

Millimizin futbolçusu bağışlandı

"Sabah" komandası heyətdən kənarlaşdırdığı futbolçusu Təmkin Xəlilzadə ilə bağlı qərar verib. 

Paytaxt təmsilçisinin Mətbuat xidmətinin rəhbəri Elnur Həmidovun "Report"a verdiyi məlumata görə, klub rəhbərliyi və baş məşqçi Elşad Əhmədov 26 yaşlı yarımmüdafiəçinin komandada qalmasını istəyib. 

Həmidov deyib ki, oyunçu baş məşqçi ilə söhbət edib və intizam qaydalarını pozmayacağına dair söz verib. "O artıq komanda ilə birlikdə məşqə də çıxıb". 

Qeyd edək ki, Təmkin Xəlilzadə 2018-2019 mövsümünün sonuna yaxın daxili intizam qaydalarını pozduğu üçün heyətdən uzaqlaşdırılıb. Xəlilzadə Azərbaycan millisinin də üzvüdür. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi