Yuxarı

Məsut Özil dördüncü dəfə Almaniya yığmasının ən yaxşı futbolçusu sayılıb

Türk əsilli yarımmüdafiəçi 51 min azarkeş arasındakı səsvermədə hamını qabaqlayıb

Bakı. 15 yanvar. REPORT.AZ/ İngiltərənin "Arsenal" klubunun yarımmüdafiəçisi Məsut Özil Almaniya yığmasının ən yaxşı futbolçusu sayılıb. "Report"un məlumatına görə, bu, Almaniya Futbol İttifaqının rəsmi saytında azarkeşlər arasında keçirilmiş səsvermə nəticəsində müəyyənləşib. 

Səsverməyə 51 min azarkeş qatılıb. 27 yaşlı türk əsilli orta sahə oyunçusu 45,9 faiz səs toplayıb. O, "Bavariya"nın hücumçusu Tomas Müllerlə (15,9 faiz) "Köln"ün müdafiəçisi Yonas Hektoru (13,6 faiz) üstələyib. 

Qeyd edək ki, Məsut Özil bu mükafatı son 5 ildə 4-cü dəfə qazanıb. O, 2011 - 2013-cü illərdə dalbadal 3 dəfə Almaniyanın ən yaxşı futbolçusu sayılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi