Yuxarı
    Bağlamaq

    ​Messi ikinci dəfə ata olub

    Futbolçu bu səbəbdən məşqlərə qatılmayıb

    Bakı. 11 sentyabr. REPORT.AZ/ İspaniyanın "Barselona" klubunun və Argentina milli komandasının futbolçusu Lionel Messi ikinci dəfə ata olub. "Report"un məlumatına görə, bu gün həyat yoldaşı Antonella 28 yaşlı hücumçu üçün daha bir oğul dünyaya gətirib.

    Messinin ilk oğlu Tiaqo 2012-ci ilin noyabrında doğulub. Sevindirici olayla əlaqədar "Barselona"nın baş məşqçisi Luis Enrike məşhur futbolçunu bugünkü hazırlıq prosesindən azad edib.

    Qeyd edək ki, bu həftə Lionel Messi "Barselona"da bir məşq belə keçirməyib. O, Argentina millisinin oyunundan sonra İspaniyaya yenicə qayıdıb. Lakin Messi sabah "Barsa"nın heyətində "Atletiko" ilə oyun üçün Madridə yollanacaq və meydana çıxa biləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi