Messi İspaniya Kubokunun ən yaxşı bombardirləri onluğuna daxil olub - VİDEO

Bakı. 12 yanvar. REPORT.AZ/ “Barselona”nın argentinalı hücumçusu Lionel Messi futbol üzrə İspaniya Kubokunun 1/8 finalında “Selta” ilə keçirilən oyunun birinci hissəsində dubl edib.

“Report” xəbər verir ki, beləliklə o, turnirdə vurduğu qolların sayını 46-ya çatdıraraq, Kubok tarixinin ən yaxşı on bombardiri sırasına daxil olub.

Hazırda reytinqdə birinci yeri hücumçu Telmo Sarra tutur. O, 1939-1957-ci illər ərzində 81 qol vurub.