​Messi İspaniya çempionatları tarixində ən yaxşı bombardir oldu

Bakı. 23 noyabr. REPORT.AZ/ "Barselona" klubunun hücumçusu Lionel Messi İspaniya çempionatının 12-ci turunda "Seviliya"ya qarşı keçirilən oyunda het-trikini rəsmiləşdirib.

"Report" xəbər verir ki, argentinalı futbolçu bununla İspaniya çempionatlarında vurduğu qolların sayını 253-ə çatdırıb.

Belə olan halda, Messi İspaniya Premyerası tarixində ən yaxşı bombardir olub. O, bu nəticəni əldə etmək üçün 289 matç keçirməli olub.

Primyeranın rekordçusu demək olar ki, 60 il ərzində Telmo Sarra olub. "Atletik"in futbolçusu İspaniya çempionatında 251 dəfə fərqlənib.