Messi İspaniya çempionatında "qol+ötürmə" sistemi üzrə 500-cü xalını toplayıb

Bakı. 22 oktyabr. REPORT.AZ/ Kataloniyanın "Barselona" klubunun argentinalı hücumçusu Lionel Messi futbol üzrə İspaniya çempionatı oyunlarında "qol+ötürmə" sistemi üzrə topladığı xalları 500-ə çatdırıb.

“Report” xəbər verir ki, hücumçu La Liqanın 9-cu turunda "Malaqa" ilə oyunda vurulan ikinci qolun ötürməsini verib. Həmin epizodda Andres İnyesta fərqlənib.

Beləliklə, hazırda Messinin aktivində İspaniya çempionatında keçirdiyi oyunlar üzrə 360 qol və 140 məhsuldar ötürmə var.