Yuxarı
    Bağlamaq

    Məşqçilər Komitəsinin üzvləri Gəncəyə səfər edib

    Qonaqlar yerli futbol infrastrukturu ilə tanış olublar

    Bakı. 27 fevral. REPORT.AZ/ AFFA-nın Məşqçilər Komitəsinin üzvləri Gəncə şəhərinə səfər edib. "Report"un AFFA-nın rəsmi saytına istinadən verdiyi məlumata görə, komitə üzvləri bu gün “Kəpəz” klubunun rəsmiləri ilə görüşüblər.

    Görüşdə Vaqif Sadıqov, Ağasəlim Mircavadov, Şakir Qəribov, AFFA İcraiyyə Komitəsinin üzvü İskəndər Cavadov, “Kəpəz” PFK-nın Müşahidə Şurasının üzvü Mikayıl Nərimanoğlu, Müzəffər Qasımov, klubun icraçı direktoru Mehman Allahverdiyev və komandanın baş məşqçisi Şahin Diniyev iştirak edib. Qarşılıqlı fikir mübadiləsindən sonra tərəflər “Kəpəz” və ümumilikdə Gəncə futbolu ilə bağlı müəyyən məsələlər ətrafında müzakirələr aparıblar. Qonaqlar yerli futbol infrastrukturu ilə tanış olub, Azərbaycan Premyer Liqasının XXIII turu çərçivəsində keçirilmiş “Kəpəz” – “Sumqayıt” oyununu izləyiblər.

    Qeyd edək ki, oyun qolsuz tamamlanıb - 0:0. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi