​Məhkəmə İtaliyanın "Parma" klubunu müflis elan edib

Bakı. 19 mart. REPORT.AZ/ İtaliya məhkəməsi "A" Seriyasında çıxış edən "Parma" futbol klubunu müflis elan edib.

"Report" xəbər verir ki, ötən gün klubun sahibi və prezidenti Campyetro Manenti fırıldaqçılıqda şübhəli bilinərək həbs olunub.

Klubun borcu 110 milyon dollar təşkil edir. Futbolçular bütün mövsüm boyu əmək haqqı ala bilməyiblər. Onların mövsümü başa vura biləcəkləri sual altındadır. Hazırda komanda turnir cədvəlinin sonuncu yerindədir.