Yuxarı

FIFA-nın sorğusunda Məhəmməd Salahın səslərinin qeydə alınmamasının səbəbi bəlli olub

Məhəmməd Salahın səslərinin qeydə alınmamasının səbəbi bəlli oldu

FIFA İngiltərə "Liverpul"unun və Misir millisinin futbolçusu Məhəmməd Salahın ilin ən yaxşı futbolçusu nominasiyasındakı səslərinin nəzərə alınmamasını izah edib.

"Report" AP-yə istinadən xəbər verir ki, ali futbol qurumu Misir tərəfinin şikayətinə münasibət bildirib. 

"İmzalar böyük hərflərlə yazılıb, bu səbəbdən etibarsız sayılıb. Digər tərəfdən, vərəqələrdə federasiyanın baş katibinin imzası yox idi", - FIFA-dan bildirilib. 

Bundan əlavə, FIFA Misir Futbol Federasiyasından səslərin təsdiqlənməsini istədiklərini və düzgün doldurulmuş formaların avqustun 19-dək təqdim oluna biləcəyini iki dəfə xatırlatdığını vurğulayıb.

Qeyd edək ki, Lionel Messi ilin ən yaxşı futbolçusu nominasiyasında Vircil van DeykKriştianu Ronaldunu qabaqlayıb.

Daha öncə Sudan millisinin baş məşqçisi Zdravko Luqaroşiç və Nikaraqua yığmasının kapitanı Xuan Barrera Messiyə səs vermədiklərini deyiblər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi