Yuxarı

KİV: Mario Balotelli Azərbaycana qarşı oynaya bilər

Konte bu məqsədlə Cenoa-Milan oyununu izləmək niyyətindədir

Bakı. 27 sentyabr. REPORT.AZ/ Futbol üzrə İtaliya yığma komandasının baş məşqçisi Antonio Konte "A" Seriyasının "Cenoa" - "Milan" qarşılaşmasını izləmək niyyətindədir.

"Report"un məlumatına görə, İtaliya mətbuatı ehtimal edir ki, "mavi eskadra"nın məşqçisi milli komandanın heyətinə cəlb etmək məqsədi ilə milanlıların hücumçusu Mario Balotellini "xatırlamağ"a hazırdır.

Xatırladaq ki, icarə əsasında Milana qayıdan "Super Mario" "Udineze" ilə oyunda qol vurmağa macal tapıb, "Milan" isə 3:2 hesabı ilə qalib gəlib.

Balotelli bu oyunda xəbərdarlıq almasına baxmayaraq, kütləvi informasiya vasitələri tərəfindən yüksək qiymətə layiq görülüb.

Məlumdur ki, Konte Avro-2016-nın təsnifat mərhələsi çərçivəsində oktyabrın 10-da Azərbaycan, noyabrın 13-də isə Norveçlə keçiriləcək oyunlarda yığmaya namizədlərin siyahısı barədə düşünür.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi