Maqnus Karlsenin təşkil etdiyi onlayn yarışda finalçılar bilindi

Şahmat üzrə norveçli dünya çempionu Maqnus Karlsenin təşkil etdiyi internet-turnirinin ikinci finalçısı bəlli olub. 

"Report"un məlumatına görə, Karlsen yarımfinalda çinli Dinq Lireni məğlub etməklə finala yüksəlib. 

Qrossmeysterlər arasındakı ilk oyun heç-heçə yekunlaşıb. İkinci görüşdə Dinq Liren rəqibindən üstün olub. 

3 və 4-cü qarşılaşmalarda qələbə qazanan Karlsen finala vəsiqə qazanıb. O, həlledici dueldə ABŞ təmsilçisi Hikaru Nakamura ilə üz-üzə gələcək. 

250 000 dollar mükafat fonduna malik yarışın qalibi 70 000 dollar qazanacaq.   

Qeyd edək ki, bu turnirə Azərbaycan şahmatçıları dəvət olunmayıb.