Yuxarı
    Bağlamaq

    "Mançester Yunayted" klubu qışda 9 futbolçusu ilə vidalaşacaq

    Onların arasında Zlatan İbrahimoviç də var

    Bakı. 5 noyabr. REPORT.AZ/ İngiltərənin "Mançester Yunayted" komandası qışda ən azı 8 futbolçusunu satacaq.

    "Report"un "The Telegraph"a istinadən verdiyi məlumata görə, bu barədə baş məşqçi Joze Mourinyo qərar qəbul edib. O, müqaviləsi mövsümün sonunadək qüvvədə olan hücumçu Zlatan İbrahimoviçlə də yolların ayrılmasını istəyib. Portuqaliyalı mütəxəssis son oyunlardakı uğursuzluqları komandaya zəif futbolçuların alınması ilə əlaqələndirib. Yayda 4 oyunçu - Zlatan İbrahimoviç, Henrik Mxitaryan, Erik Bayi və Pol Poqbanın alınmasına 145,7 milyon funt sterlinq xərclənib. Mourinyonun vidalaşmaq istədikləri isə müdafiəçi Matteo Darmian, Markus Roho, Fil Cons, yarımmüdafiəçi Bastian Şvaynştayger, Morqan Şnayderlin, Maykl Kerrik, Eşli Yanq, habelə hücumçu Memfis Depay və Zlatan İbrahimoviçdir.

    Qeyd edək ki, "Mançester Yunayted" oktyabrın 23-də "Çelsi"yə 0:4 hesabı ilə uduzub. Bu, Joze Mourinyonun İngiltərə karyerası ərzində ən böyük hesablı məğlubiyyəti olub. Noyabrın 3-də isə "qırmızı şeytanlar" Avropa Liqasının qrup mərhələsinin IV tur matçında Türkiyə "Fənərbağça"sına yenilib - 1:2. Hazırda Mourinyonun komandası Premyer Liqada 10 oyundan 15 xalla 8-ci, Avroliqada isə 6 xalla 3-cü pillədə qərarlaşıb.      

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi