Yuxarı

"Mançester Yunayted" klubu ötən mövsüm rekord məbləğdə gəlir götürüb

"Mançester Yunayted" klubu ötən mövsüm rekord məbləğdə gəlir götürüb
Hesabat dövründə xalis mənfəət təqribən 100 milyon avro təşkil edib

Bakı. 21 sentyabr. REPORT.AZ/ İngiltərənin "Mançester Yunayted" klubunun 2016-2017 mövsümündə gəliri rekord məbləğdə - 581 milyon funt stetlinq (təqribən 658 milyon avro) olub. "Report"un "Daily Mail"ə istinadən verdiyi məlumata görə, hesabat dövründə xalis mənfəət 80,8 milyon funt (99,6 milyon avro) təşkil edib.

Ötən il "mankunianlar"ın gəliri 515,3 milyon funt (583,7 milyon avro), xalis mənfəəti isə 68,9 milyon funt (78 milyon avro) olub. Klub 2018-ci ildə gəlirini 575 - 585 milyon funta (651 - 662 milyon avroya) çatdıra bilər.

Digər tərəfdən, əmək haqqının ümumi məbləği 31,3 milyon funt artıb və hazırda 263,5 milyon funt (298,5 milyon avro) təşkil edir. Bu, İngiltərə Premyer Liqasında ən böyük göstəricidir.

Kommersiya gəliri 275,5 milyon funt (312,1 milyon avro), teleyayım hüququnu satışından qazanc 194,1 milyon funt (219,8 milyon avro) təşkil edib ki, bu da ötənilki ilə müqayisədə 53,7 milyon funt çoxdur. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi