Bakı. 26 sentyabr. REPORT.AZ/ "Mançester Yunayted" İngiltərə Liqa Kubokunun 1\16 finalında oyunsonrası penaltilər seriyasında "Derbi Kaunti"yə uduzub.
“Report” xəbər verir ki, oyunun əsas hissəsi 2:2 hesabı ilə yekunlaşıb.
"Qırmızı şeytanlar"ın heyətində Xuan Mata və Maruan Fellaini, qonaqlarda isə Harri Uilson və Cek Merriot fərqlənib. Penaltilər seriyasında "Derbi Kaunti" 8:7 hesabı ilə üstün olub.
Mankunyanlardan müdafiəçi Fil Cons penaltini vura bilməyib.