“Mançester Siti”nin fəxri prezidenti vəfat edib

İngiltərənin “Mançester Siti” klubunun fəxri prezidenti Bernard Helford vəfat edib.

“Report” "şəhərlilər"in rəsmi saytına istinadən xəbər verir ki, sabiq funksioner uzun sürən xəstəlikdən sonra 78 yaşında dünyasını dəyişib.

Qeyd edək ki, Helford 40 il “Mançester Siti”nin katibi olub. O, 2006-cı ildə klubun “Şöhrət zalı”na seçilən ilk qeyri-futbolçu kimi tarixə düşüb.