"Mançester Siti" "Braytonu" məğlub edərək Premyer Liqada 3 rekorda imza atıb - VİDEO

Bakı. 10 may. REPORT.AZ/ "Mançester Siti" futbol üzrə İngiltərə Premyer Liqasının 31-ci turundan təxirə salınmış matçda "Brayton"u məğlub edib.

“Report” xəbər verir ki, görüş 3:1 hesabı ilə başa çatıb.

Komandaya qələbə qazandıran qolları Danilo, Bernardu Silva və Fernandinyo vurub. "Brayton" rəqibə Leonardo Ulloalanın qolu ilə cavab verib.

Bu qələbə "şəhərlilər"ə İngiltərə Premyer Liqasında bir mövsüm ərzində qələbə, xal və qolların sayında 3 rekord vurmaqda kömək edib. Hosep Qvardiolanın yetirmələri mövsüm ərzində 31 qələbə qazanıb, 97 xal yığıb və 105 qol vurublar.