Bakı. 12 yanvar. REPORT.AZ/ 1952-ci ildə futbol üzrə Macarıstan milli komandasının heyətində olimpiya çempionluğu qazanmış Yonyo Buzanski vəfat edib. "Report"un məlumatına görə, Y.Buzanski 89 yaşında dünyadan köçüb.
Y.Buzanski 1950-ci ilin "qızıl komanda"sından yaşayan tək üzvü idi. Həmin vaxt yığmaya Qustav Şebeş rəhbərlik edib. Komanda üzvləri isə Ferents Puşkaş, Zoltan Tsibor, Şandor Koçiş, Nandor Xideqkuti, Yojef Bojik və Düla Qroşiç kimi futbolçular olub.
Qeyd edək ki, həmin heyət Macarıstana olimpiya çempionluğundan əlavə, 1954-cü ildə İsveçrədə keçirilmiş dünya çempionatının finalında Almaniya millisinə 2:3 hesabı ilə məğlub olaraq gümüş medal qazanıb.