Lüis Hemiltonun "İnstagram"da reklam postu üçün qazancı bəlli olub

"Mercedes" pilotu Lüis Hemiltonun "İnstagram"dakı bir reklam postundan qazancı bəlli olub.

"Report" "Autospor" nəşrinə istinadən xəbər verir ki, "Formula 1" üzrə 6 qat dünya çempionunun "İnstagram"da 13,2 milyon, "Twitter"də 5.6 milyon, "Facebook"da isə 4,6 milyon izləyicisi var. Bu da digər pilotlardan daha çoxdur.

Britaniyalı sürücünün "İnstagram"da bir reklam postunun məbləği təqribən 40 min funt sterlinqdir.

Qeyd edək ki, daha öncə “McLaren”in heyətində yer almış Lüis Hemilton 2013-cü ildən “Mercedes”də çıxış edir.