Lionel Messi 5-ci dəfə "Qızıl top"a sahib çıxıb

Bakı. 11 yanvar. REPORT.AZ/ 2015-ci ilin ən yaxşı futbolçularının adları açıqlanıb.

"Report"un məlumatına görə, ən yaxşı qadın futbolçu adına Karli Lloyd (ABŞ) yiyələnib.

O, Kanadada keçirilmiş qadın futbolçular arasında Dünya çempionatının qalibi olub. Lloyd Aya Miyama (Yaponiya) və Seliya Şaşiçi (Almaniya) qabaqlayıb.

Ən yaxşı kişi futbolçu isə argentinalı Lionel Messi ("Barselona") hesab edilib. Messi bu ada karyerasında 5-ci dəfə sahib olub. Bu dəfə o həmklubu Neymarla "Real Madrid"in portuqaliyalı hücumçusu Kriştianu Ronaldunu geridə qoyub.

Qaliblərə "Qızıl top" verilib.