Bakı. 29 yanvar. REPORT.AZ/ Latviyanın Cinayət Məcəlləsinə idman yarışlarının nəticələrini manipulyasiya etməyə görə cəzanın sərtləşdirilməsini nəzərdə tutan düzəlişlər edilib.
"Report" xəbər verir ki, ölkə parlamenti 28 yanvar 2016-cı il tarixində idman haqqında qanuna, həmçinin ölkənin Cinayət Məcəlləsinə düzəlişləri təsdiq edib.
Seymin mətbuat xidmətinin məlumatına görə, indi danışılmış oyun təşkilatçıları üçün 1 il müddətinədək həbs cəzası nəzərdə tutulur.
Düzəlişlər 1 mart 2016-cı il tarixindən qüvvəyə minəcək.