Bakı. 10 iyun. REPORT.AZ/ Futbol üzrə Latviya və Portuqaliya yığmalarının qarşılaşması zamanı maraqlı hadisə baş verib.
"Report" xəbər verir ki, matç zamanı azyaşlı pərəstişkarlardan biri Avropa çempionu Krişitan Ronaldunu qucaqlamaq üçün meydançaya qaçıb.
Otuz iki yaşlı hücumçu pərəstişkarına xeyirxahlıqla yanaşıb və onu qucaqlayb. Bundan sonra azyaşlını meydandan uzaqlaşdırıblar.
Qeyd edək ki, matç Riqada keçirilib. Qarşılaşma Portuqaliya komandasının 3:0 hesablı qələbəsi ilə başa çatıb. Oyunda Ronaldu da fərqlənib.