Bakı. 14 avqust. REPORT.AZ/ Romanın “Latsio” klubu 2016/2017-ci illər mövsümündə İtaliya superkubokunun qalibi olub.
“Report” xəbər verir ki, İtaliya kubokunun qalibi kimi çıxış edən romalılar superkubok görüşündə ölkə çempionu “Yuventus”u 3:2 hesabı ilə məğlub ediblər.
Oyunda hesabı 32-ci dəqiqədə “Latsio”nun hücumçusu İmmobile açıb. O penalti zərbəsi ilə Buffonu məyus edib.
İkinci hissədə, 54-cü dəqiqədə İmmobile özünün və komandasının 2-ci qolunu vurub.
“Yuventus” oyunda dönüş yaratmağı bacarıb. Turinlilərin heyətində oyunun son 5 dəqiqəsində Paolo Dibala 2 dəfə fərqlənələrək hesabı bərabərləşdirib.
Lakin oyuna əlavə olunmuş dəqiqələrdə “Latsio”lu Murgia “Yuventus”a qol vuraraq komandasına superkubok qazandırıb.