Kriştianu Ronaldunun oğlu iki rəqibini fintlə keçərək qol vurub - VİDEO

Bakı. 5 iyun. REPORT.AZ/ İspaniya "Real Madrid"i Çempionlar Liqasındakı qələbəsini "Santyaqo Bernabeu" stadionunda qeyd etdiyi vaxt Kriştianu Ronaldunun oğlu həmyaşıdları ilə futbol oynayıb. 

"Report"un məlumatına görə, kiçik Ronaldu iki rəqibini fintlə keçdikdən sonra qol vurub. Balaca futbolçunun driblinqini tribunalar alqışlayıb. "Real Madrid"in rəsmi "YouTube" kanalına qoyulduğu 10 saatdan da az müddətdə video milyondan çox izləyici toplayıb. 

Qeyd edək ki, bu ay kiçik Ronaldunun 7 yaşı tamam olur.