Kriştianu Ronaldu dünya çempionatları tarixində het-trik edən ən yaşlı futbolçu olub

Bakı. 16 iyun. REPORT.AZ/ Portuqaliya millisinin hücumçusu Kriştianu Ronaldu dünya çempionatları tarixində het-trik edən ən yaşlı futbolçu olub.

“Report” FIFA-nın rəsmi saytına istinadən xəbər verir ki, “Real Madrid”in forvardı DÇ-2018-də “B” qrupunun I turunda İspaniya yığması 3:3 hesabı ilə başa çatan görüşdə 3 qol vurmaqla bu ünvana sahib çıxıb.

O, 33 yaş 130 günlüyündə bunu bacaran ilk futbolçu kimi tarixə düşüb.

Qeyd edək ki, K.Ronaldu ardıcıl dörd mundialda fərqlənən 4-cü futbolçu olub. Portuqaliyalı hücumçu bundan əvvəl DÇ-2006, DÇ-2010 və DÇ-2014-də qol vurub.