Yuxarı

Kriştianu Ronaldu vergidən yayınır

Portuqaliyalı futbolçu qazancını meneceri Jorje Mendeşin İrlandiyada yerləşən şirkətlərinə yönəldir

Bakı. 21 may. REPORT.AZ/ Portuqaliyalı futbolçu Kriştianu Ronaldunun ölkəsinə vergi ödəməmək üçün özünü İrlandiyada işləyən biri kimi göstərdiyi açıqlanıb. "Report"un Portuqaliyanın "Correo da Manha" qəzetinə istinadən verdiyi məlumata görə, futbolçu qazancını meneceri Jorje Mendeşin İrlandiyada yerləşən şirkətlərinə yönəldir.

İspaniya "Real Madrid"ində forma geyinən 30 yaşlı yarımmüdafiəçi belə olan halda qazancından 12.5 faiz vergi ödəyir. Nəşrin iddiasına görə, Ronaldo öz gəlirlərini vətənində saxlayarsa, o zaman 2 dəfə artıq vergi ödəməyə məcbur olacaq. Hazırda portuqaliyalının klub və reklamlardan 20 milyon avrodan artıq qazanc əldə etdiyi bildirilir.

Qeyd edək ki, bir müddət əvvəl analoji halla üzləşən "Barselona" klubunun futbolçusu Lionel Messi həbs olunmamaq üçün 12 milyon avro vergi ödməyə razı olub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi