Konte "İnter"lə ilkin müqavilə imzalayıb

Antonio Konte "İnter"in yeni baş məşqçisi olacaq.

"Report" xəbər verir ki, bu barədə məşhur italiyalı jurnalİst Tankredi Palmeri məlumat yayıb.

Mənbənin məlumatına görə, 49 yaşlı mütəxəssis "neradzurri" ilə ilkin müqavilə imzalayıb. Sənədə əsasən Kontenin illik əmək haqqısı 10 milyon avro təşkil edəcək. Müddəti hələ məlum olmayan rəsmi müqavilə isə mayın 28-də imzalanacaq.

Kontenin son klubu "Çelsi" olub. Məşqçi "Stemford Bric"ə 2016-cı ilin yayında gəlib. Birinci il komanda ilə İngiltərə çempionu olub. Lakin növbəti il mütəxəssis işdən çıxarılıb.

"İnter" 66 xal il turnir cədvəlində dördüncü pilləni tutub. "Neradzurri" sonuncu turda "Napoli"yə 1:4 hesabı ilə məğlub olub.