Bakı. 26 yanvar. REPORT.AZ/ Klublar Komitəsinin 2016-cı ildə ilk iclası başlayıb.
"Report"un məlumatına görə, komitə üzvləri “Boulevard Hotel Baku” hotelində bir araya gəlib.
İclasda AZAL-ın vitse-prezidenti, komitənin sədri Fikrət Hüseynov, "İnter" klubunun prezidenti Rəşad Qasımov, "Zirə"nin prezidenti Vüqar Astanov, "Sumqayıt"ın prezidenti Kamran Quliyev, "Xəzər Lənkəran"ın vitse-prezidenti Tuyqun Nadirov, "Qəbələ"nin baş meneceri Zaur Əzizov, "Qarabağ"ın baş meneceri Asif Əsgərov, "Kəpəz"in Müşahidə Şurasının üzvü Mikayıl Nərimanoğlu, "Neftçi"nin icraçı direktoru Elnur Məmmədov, "Rəvan"ın vitse-prezidenti İlqar Axundov, "CBC Sport" kanalının direktoru Vulkan Üst, Peşəkar Futbol Liqasından Zamiq Hüseynov və Məlik Həsənov iştirak edir.
Qeyd edək ki, bu, Fikrət Hüseynovun rəhbərliyi ilə keçirilən ilk iclasdır.