Yuxarı

Kiyev "Dinamo"su "Qəbələ"nin təklifini qəbul etməyib

Sergey Rebrov: Bilmirdik ki, sərəncamımızda neçə oyunçu qalacaq

Bakı. 11 sentyabr. REPORT.AZ/ "Qəbələ" klubunun Ukraynanın "Dinamo" (Kiyev) komandası ilə yoxlama oyunu baş tutmayıb. "Report"un məlumatına görə, bu barədə paytaxt təmsilçisinin baş məşqçisi Sergey Rebrov açıqlama verib.

41 yaşlı mütəxəssis bildirib ki, israrlı təklif "qırmızı-qaralar"dan gəlib. Amma həmin vaxt "Dinamo"nun futbolçuları milli komandaların düşərgəsində olduqlarından, görüş baş tutmayıb: "Biz bilmirdik ki, sərəncamımızda neçə oyunçu qalacaq. Çox ciddi rəqib önünə 6 futbolçu ilə çıxmaq məqsədəuyğun olmazdı".

S.Rebrov "Qəbələ" əvəzinə, yerli "Desna" ilə üz-üzə gəldiklərini söyləyib. Bu, "Dinamo"da düşünüldüyündən də çox oyunçunun qalmasından sonra gerçəkləşib.

Qeyd edək ki, "Qəbələ" sentyabrın əvvəllərində Ukraynanın Odessa şəhərində təlim-məşq toplanışında olub. Hazırlıq çərçivəsində "Çernomorets"lə qarşılaşan baş məşqçi Roman Qriqorçukun komandası 2:0 hesabı ilə qalib gəlib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi