Yuxarı

​KİV: Messi 22 ay müddətinə həbs oluna bilər

Futbolçu atası ilə vergidən yayınma işi üzrə məhkəmə qarşısına çıxacaq

Bakı. 9 oktyabr. REPORT.AZ/ İspaniyanın "Barselona" klubunun hücumçusu Lionel Messi və onun atası vergidən yayınma işi üzrə məhkəmə qarşısına çıxacaq.

"Report" TASS-a istinadən xəbər verir ki, bu barədə İspaniya mətbuatı məlumat yayıb.

Məlumata görə, qərar cümə axşamı İspaniya məhkəməsi tərəfindən qəbul olunub.

Bundan əvvəl Krallıq məhkəməsi Messiyə qarşı irəli sürülən ittihamı geri götürüb, lakin dövlət ittihamçıları futbolçunun məhkəmə qarşısına çıxarılmasına təkid ediblər.

İttiham tərəfi Lionel Messi üçün 22 aylıq, onun atası üçün isə 18 ay müddətinə azadlıqdan məhrumetmə cəzası tələb ediblər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi