“Keşlə” komandasının sabiq baş məşqçisinin yeni iş yeri müəyyənləşib

Bakı. 5 yanvar. REPORT.AZ/ Bakının “Keşlə” futbol komandasının sabiq baş məşqçisi Zaur Svanadzenin yeni iş yeri müəyyənləşib.

“Report” xəbər verir ki, 60 yaşlı mütəxəssis vətəni Gürcüstanda çalışacaq. O, Tbilisi “Dinamo”sunun əsas komandasının baş məşqçisi Kaxaber Kaçaravanın köməkçisi təyin edilib.

Qeyd edək ki, Zaur Svanadze 2015-ci ilin yayından 2017-ci ilin oktyabrına qədər “Keşlə”nin baş məşqçisi olub. O, cari mövsümdə uğursuz nəticələr səbəbindən istefaya göndərilib.