Yuxarı

Azərbaycan Kuboku: "Keşlə" "Kəpəz"i azlıqda udaraq "Qarabağ"a rəqib olub

"Keşlə" "Kəpəz"i azlıqda udaraq, "Qarabağ"a rəqib oldu

Futbol üzrə Azərbaycan Kuboku uğrunda mübarizəyə start verilib.

"Report"un məlumatına görə, ilk oyun günündə 1/8 final mərhələsinin 4 görüşündən biri keçirilib.

"ASCO Arena"da "Keşlə" I Divizion təmsilçisi "Kəpəz"lə üz-üzə gəlib. Görüş meydan sahiblərinin qələbəsi ilə yekunlaşıb - 3:1. İlk yarıda tərəflər hərəyə bir qol vurublar. Fasiləyə doğru paytaxt təmsilçisi Franko Floresin qırmızı vərəqə alması üzündən oyunun qalan hissəsini azlıqda keçirib. 

Bu mərhələdə qalib bir oyunluq mübarizə nəticəsində müəyyənləşdiyindən "Keşlə" 1/4 finala vəsiqə qazanıb. Tərlan Əhmədovun baş məşqçi olduğu kollektiv növbəti mərhələdə "Qarabağ"la qarşılaşacaq.

Azərbaycan Kuboku, 1/8 final

3 dekabr (çərşənbə axşamı)

15:00. “Keşlə” – “Kəpəz” - 3:1

Qollar: Ruslan Əmircanov, 25. Xəzər Mahmudov, 56; 87 - Nodar Məmmədov, 45+3

Qırmızı vərəqə: Franko Flores, 45+2 ("Keşlə")

Hakimlər: Rauf Allahverdiyev, Elşad Abdullayev, Rahil Ramazanov, Rəvan Həmzəzadə

Hakim-inspektor: Ruhulla Kərimov

AFFA nümayəndəsi: Ramiz Mustafayev

Qeyd edək ki, 1/8 final mərhələsinin qalan 3 görüşü dekabrın 4-də keçiriləcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi