"Keşlə" daha 3 futbolçusu ilə müqavilə müddətini uzadıb

Bakı. 22 iyun. REPORT.AZ/ "Keşlə" klubu daha 3 futbolçusu ilə müqaviləni yeniləyib. 

"Report"un klubun saytına istinadən verdiyi məlumata görə, paytaxt təmsilçisi Vaqif Cavadov, Orxan Sadıqlı və Ebrima Sohna ilə yeni sözləşmə imzalayıb. Hər 3 oyunçu daha bir il "Keşlə"də çıxış edəcək. 

Qeyd edək ki, daha əvvəl Fuad Bayramov, Slavik Alxasov, Tərlan Quliyev, Cabir Əmirli, Andre Klennon, Murad Qayalı, Sərtan Taşkın, Denis Silva Kruz və Adrian Skarlatake ilə də yeni sözləşmə əldə olunub.