Yuxarı

​Kərim Benzema 5 il müddətinə həbs oluna bilər

Onun barəsində cinayət işi açılıb

Bakı. 6 noyabr. REPORT.AZ/ İspaniyanın "Real Madrid" klubunun futbolçusu Kərim Benzema barəsində cinayət işi açılıb. "Report"un məlumatına görə, hücumçunun günahı sübuta yetirilərsə, ən az 5 il müddətinə azadlıqdan məhrum edilə bilər.

 O, Fransa millisində çıxış edən komanda yoldaşı Mateu Valbuenanı şantaj etməkdə şübhəli bilinir.

İddiaya görə, Valbuenanın intim məzmunlu videogörüntüləri Benzema və onun uşaqlıq dostu olan 3 nəfərin əlinə keçib. Nəticədə həmin 3 nəfər fransalı futbolçunu şantaj edərək 150 min avro tələb ediblər.

Qeyd edək ki, Kərim Benzema sözügedən hadisə səbəbindən noyabrın 4-də polis tərəfindən saxlanılıb və bir gün sonra sərbəst buraxılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi