Yuxarı
    Bağlamaq

    "Kəpəz" və "Səbail" ev oyunlarını başqa stadionlarda keçirəcək

    Sözügedən klubların ev oyunlarını keçirdiyi stadionlar hazırda təmirdə olduğu üçün alternativ varinat seçiləcək

    Bakı. 11 avqust. REPORT.AZ/ "Kəpəz" və "Səbail" klubları futbol üzrə Azərbaycan Premyer Liqasının 2017/2018 mövsümündə ilk dövrədəki ev oyunlarını başqa stadionlarda keçirəcək.

    "Report"un məlumatına görə, bunu Klublar Komitəsinin sədri Kamran Quliyev deyib. 

    O bildirib ki, sözügedən klubların ev oyunlarını keçirdiyi stadionlar hazırda təmirdə olduğu üçün alternativ varinat seçiləcək: "Bu klublar rəqiblərini harada qəbul edəcəklərinə özləri qərar verəcəklər. Onlar ilk dövrədəki oyunlarının hamısını səfərdə keçirməyəcəklər. Yəni, təqvimə dəyişiklik edilməyəcək".

    Məlumata görə, artıq "Səbail" klubu ev oyunlarını harada keçirəcəyi ilə bağlı seçimini edib. Debütant rəqiblərini Mərdəkanda yerləşən "Dalğa Arena"da qəbul edəcək.

    Qeyd edək ki, "Səbail" ev oyunlarını "Bayıl Arena"da, "Kəpəz" isə Gəncə şəhər stadionunda keçirir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi