Bakı. 11 yanvar. REPORT.AZ/ Yevlaxda təlim-məşq toplanışına start verən "Kəpəz" daha bir futbolçu ilə yolların; ayırıb. "Report"un klub saytına istinadən verdiyi məlumata görə, gəncəlilər qarşılıqlı razılıq əsasında ukraynalı legioner Aleksandr Sitniklə vidalaşıb.
Hücumçu cari mövsümdə 17 oyunda meydanda olaraq rəqib qapısından iki top keçirib. O, "Qəbələ" və "Sumqayıt"la səfər oyunlarında fərqlənib.
Qeyd edək ki, "Kəpəz" daha öncə Rəşad Eyyubov, Məhərrəm Hüseynov, Murad Ağakişiyev və Ziyabil Məmmədovla yollarını ayırıb.