Bakı. 13 avqust. REPORT.AZ/ Gəncənin "Kəpəz" klubunun futbolçusu Azad Kərimov zədələnib.
"Report" klubun saytına istinadən xəbər verir ki, gənc müdafiəçi dünən "sarı-göylər"in AZAL-la oyun öncəsi Gəncədə keçirilən məşqində sıradan çıxıb.
Klubun tibb personalının həkimi Şıxəli Həsənov bildirib ki, futbolçunun baldır ayaq oynağı, eyni zamanda vətər və bağları dartılıb.
Futbolçuya ilkin tibbi yardım göstərilib, onun vəziyyətinə təkrar müayinədən sonra aydınlıq gələcək.